IKASTURTE AMAIERAKO EMANALDI BEREZIA:
2017-06-03
Bi urtetik behin egin ohi den bezala, aurtengoan,
ekianaren 3an, larunbatean tokatu zitzaigun Haurtzaro Dantza Taldeko partaideei
Elorsoro Kiroldegian emanaldia eskaintzea. Aurtengoan, gainera, Haurtzaro
Ikastolaren 50. urteurrena ospatuz, Dantza Taldeko dantzari ohi guztiak
gonbidatu ziren emanaldian parte hartzera.
Honela, ikasturte guztian zehar ikasitako dantzak eta
batik bat, azkeneko hilabetean buru belarri entseatutakoak ikusi ahal izan ziren
Elorsoro Kiroldegian, atzo arratsaldeko 19:00etatik 20:30etara bitartean.
Egun Haurtzaro Dantza Taldean dantzan dabiltzan 98
dantzari eta aurretik partaide izan ziren 60 dantzari ohi elkartu ginen bertan,
guztiak elkarrekin Gipuzkoako, Bizkaiko eta Nafarroako hainbat dantza
tradizionalez gain, beste hainbat koreografia berezi dantzatzeko. Horien artean
Plazara dantza kusgarria eta Haurtzaro Ikastolaren 50. urteurreneko kantarekin Dantza
Taldeko dantzari zaharrenak egindako koreografiaz gozatu ahal izan genuen.
Ikuskizun dotore, zabal zein hunkigarria izan zen
atzokoa! Bejondeizuela eta zorionak bertaratutako dantzari guztiei!
Bestalde, eskerrik asko ekitaldi handi hau behar bezala
atera zedin antolakuntzan lanean aritu ziren guraso, irakasle eta bolondres
guztiei.
Amaitzeko eskerrik
berezienak baita ere, Lartaun abesbatzari, dultzainajoleei eta urte luze hauetan
beti ondoan izan dugun Lartaun Txistulari taldeari!
Ea luze baino
lehen berriz ere dantzai guztiok elkartzeko aukera badugun! Jarraitu dantzan
eta bizi dantzan!
ENTSEGU OROKORRA:
Larunbata goiza
EKITALDIKO ARGAZKIAK:
Arratsaldeko 19:00-20:30
iruzkinik ez:
Argitaratu iruzkina