2017(e)ko maiatza 14, igandea

2017ko OIARTZUNGO EUSKAL JAIA


Aurtengoan egunez aldatu bada ere, maiatzaren 13an ospatu zen Oiartzungo II. Euskal Jaian parte hartzeko aukera izan du Haurtzaro Dantza Taldeak. Gainera, ohikoa den bezala, Dantza Taldeko talde guztietako dantzariak izan ginen jaialdian, 6 urtetatik 16 urtera artekoak, hain zuzen ere. Guztira 90 inguru dantzari ibili ginen herriko kaleetan!

 

10:45erako Kontsejupe Plazan elkartzen hasi ginen eta 11:15etan egin genuen gure lehenengo emanaldia Oiartzungo Plazan: Agurra, Agintariarena, Banakoa, Txantxos eta Fandango eta Arin arina egin genituen.

 

Jarraian Landetxera jo genuen eta hamaiketakoa egin baino lehen, Belauntxingo, Baztango Esku-dantza, Uztai Handi, Sagar Dantza, Jorrai Dantza, San Juan Zortzikoa eta Fandango eta Arin arina dantzatu genituen.

 

Indarrak hartu ondoren, plazako ekitaldira jo genuen dantzarion txanda tokatzean Herri Dantza dantzatzera.

 

Goizari dantza puntu bizia eman zioten dantzariek! Bejondeizuela eta eskerrik asko bertara hurbildutako ikusleei eta baita Lartaun Txistulari taldeari ere gure dantzei musika jartzearren. Mila esker eta hurrengora arte!








*Euskal Jaiko argazki gehiago, "Argazkiak eta bideoak" atalean.

iruzkinik ez:

Argitaratu iruzkina