2016(e)ko maiatza 3, asteartea

Beasaingo eta Errenteriako dantzari txiki egunak

Asteburu honetan Beasaingo eta Errenteriako dantzari txiki egunetan izan gara. Talde horia, urdina eta gereziak Errenterian izan dira eta txuriak, berdeak, laranjak eta udareak Beasainen.

Errenteriako dantzari txiki eguna:

Goizeko 10:30etan bildu ginen Esmalterian eta hamaiketako goxo goxoa jan genuen bertan. 11:30etan denok batera agurra dantzatu ondoren, herriko kaleetatik desfilea egin genuen; Viteri kalean eta Xenpelar plazan zenbait dantza egin eta Alamedan beste dantza taldeekin batera dantzatu genuen. Goizeko zatia bukatzean, elkarteetara joan eta bazkaldu egin genuen. Bazkalostean, Modestorekin dantzaldi paregabea izan genuen.

Beasaingo dantzari txiki eguna:

10:45etan bildu ginen dantzari guztiak Dolarea parkean eta hamaiketakoa jan genuen. 11:30ak aldera desfilea egin genuen Beasaingo kaleetan zehar, lau geldiune eginez bidean. Desfileari amaiera emanez, San Martingo plazan dantzarien bilkura egin genuen eta ikurrin dantza, agurra, txulalai, txontxongilo, gipuzkoako makil-txiki eta fandango eta arin-arina egin genituen denak batera. 14:00etan herriko elkarteetan bazkaldu genuen eta ondoren, “Andonik mugitzen nau” dantzaldian primeran pasa genuen.

Eguraldi paregabeak lagunduta, igande ezinhobea igaro genuen denok!

Mila esker zuen dantzari txikietara gonbidatzeagatik eta baita hurbildu ziren guraso eta lagunei ere!
Eskerrak eman nahi dizkiogu Asier Etxebesteri ere, argazkilari bikaina izateagatik!

iruzkinik ez:

Argitaratu iruzkina