HAURTZARO DANTZA TALDEA

IHOTEAK. AZERI DANTZA ETA SORGIN DANTZA

2018ko otsailaren 2a

Dakizuen bezala, otsailaren 2an, Ihoteetan parte hartuko du Haurtzaro Dantza Taldeak.

             Arratsaldeko 19:00etan lehenik Azeri Dantza dantzatuko dute, Gerezien taldeak, talde Horiak eta talde Txuriak eta jarraian Sorgin Dantza Udareen taldeak, talde Urdinak eta Laranjak. Horretarako hona hemen kontuan hartu beharrekoa:

-Azeri Dantza dantzatuko dutenen artean mutilez jantzi behar dutenek eraman beharreko arropa: Alkandora eta galtza txuriak, alpargata txuri-gorriak (alpargata txuria zinta gorriarekin), galtzerdi txuriak, gerriko gorria, txaleko beltza eta txapela beltza (ilea koletan bildua).

-Azeri Dantzan neskez jantziko direnak: Alkandora eta gonazpiko txuria, alpargata txuri-gorriak (alpargata txuria zinta gorriarekin), galtzerdi txuriak (motzak) eta media transparenteak, gerriko gorria, koloretako zapi bat lepoan eta beste koloretako zapi alai bat buruan (moñorik egin gabe) eta belarritako eta lepoko handiak.

-Sorgin Dantzan mutilez jantziko direnak: Alkandora eta galtza txuriak, alpargata txuri-gorriak (alpargata txuriak zinta gorriarekin), galtzerdi txuriak, gerriko gorria eta sorgin dantzako txapela berezia (dantzari bakoitzari bat utziko zaio bat emanaldirako).

-Sorgin Dantzan neskez dantzatuko dutenak: Alkandora eta gonazpiko txuria, alpargata txuri-gorriak (alpargata txuria zinta gorriarekin), galtzerdi txuriak (motzak), buruan zapi txuria (moñorik egin gabe), lepoan koloretako zapia eta belarritako handiak. (Dantzari bakoitzari Poxpolin jantziko gona, mantala eta korpiño bana emango zaio emanaldirako).

ELKARTZEKO:

-Eguna: OTSAILAK 2, ostirala.

-Ordua: 18:30etan.

-Lekua: Liburutegia.

*Dantzari guztiek jantzita egon behar dute 18:30tarako.

*Liburutegian aldatzeko arropa/oinetakoak uzteko aukera egongo da.